صرفنا نازل دفع يا مشتري وأرتقع سعر المواد بكل شئ خبزنا والرز وكل السوق نار لا متى ياذي الهوامير الكبار حسرتي و الماء بصعوبه يجي اذا ظهر يومين بعده يختفي لا وقع بارد ولا وقع ماي حار أرحمونا يالهوامير الكبار كهربتنا أذا أستمرت تنطفي والمعذب دوب وقته يشتكي من معه ماطور كفى كم ديار وارحمونا يالهوامير الكبار محاسب العداد لادارك يجئ يقطع التيار تتأخر شوي لو معك شئ ظهر قدم أعتذار وارحمونا يالهوامير الكبار المطاعم ويش بوصف أو حكي بلاوي بكل شوارع تشتوي نسألك يارب تلطف بالصغار وارحمونا يالهوامير الكبار والدواء فاسد وبعضه منتهي يمرض المخلوق لو مافيه شئ وغرفة الترقيد ذبان وغبار وارحمونا يا لهوامير الكبار والموظف دوم هو جيبه خلي يخلص الراتب بيومه الآولي ديون للراشن وأكشاك الخضار وارحمونا يالهوامير الكبار تعال للتعليم لي وضعه ردئ يسرح الطالب ولا يدري بشئ والمدرس منقهر والوقت جار نتائج والنسب تعطي خبار والشهادات تباع وتشتري كل مسؤول قال نا جامعي لأجل يوفي شروط الأستمار وارحمون يالهوامير الكبار وظائفنا لحد ولحد تجي تعتمد عالوسائط والذي معه قوه وقروشه كثار وأرحمونا يالهوامير الكبار والأراضي بلا وثائق يا أخي من معه رتبه البقعه تبتني طلع الطابق في ظهر النهار وارحمونا يا لهوامير الكبار والقبائل قال نا الشيخ القوي والمصيبه تختلف في كل شئ النواقص باتوفيها الأخبار ويا بخت الهوامير الكبار وصاحب الدكان جوه ما صفي لا فتح بابه لقى بسطة غثي قاري مع طربال أزرق عالجدار أرحمونا يالهوامير الكبار يرجع الصياد حاله مهتري ومن قوانين الضرائب مبتلي سعر في الصاله وفي سوق الخصار وأرحمونا يالهوامير الكبار سائق التاكسي يسوي كل شئ لو بلا أرقام أو موتر ردئ قات للشرطي وعدي عالسبار وارحمونا يالهوامير الكبار حوادث سير بكت كل حي حد ميت وحد هو مرتمي عددهم زاد عاحروب الدمار وأرحمونا يالهوامير الكبار من طلب ليسن سواقه يشتري شهادة التعليم لو هو مبتدي لو معه عدي يفوزابلا أختبار وارحمونا يالهوامير الكبار والمشاريع كلها ما تستوي والمقاول ياعرب مايستحي غشنا ويحلف ما جاب الظمار وارحمونا يالهوامير الكبار كل مستخلص وفوقه مرتشي وقع الورقه على ماينبغي وينهدم مبناه لا سالت مطار سجل وأنتظركشف الضرار وعالمسافر النقط ما هي شوي كل ظابط لك بحجه يندعي ما تيقن توصل أعتاب الديار ما كفاكم يالهوامير الكبار المحاكم ياصلاة الله عالنبي والقوانين بكل سهوله تلتوي والحقائق عكس ما هو بالشعار والخبر عند الهوامير الكبار

أدوات القصيدة

النسبة 3.11/5 (57اجمالي)

• 1
• 2
• 3
• 4
• 5